Текстым набдзэгубдзаплъэу къеджэ!
Трезор
1. I960 гъэхэм, Ленинград къалэм дэт пхъэ унэжьхэр Iуатхъу пэт, ухуакIуэхэр ирихьэлIащ зы сын, хьэ сурэт кIэрылъу. 2. Сыным тетхат: «Ди ныбжьэгъуфI Трезоркэ папщIэ абы гъаблэм къригъэлахэм къабгъэдэкIыу. I939 – I945гъгъ». 3. УхуакIуэхэм къагъуэтащ Iуэхум хэзыщIыкI лIыжь. 4. Мис абы къахуиIуэтэжар.
5. — Ленинград блокадэ щащIам, дэ къалэбгъум дыщыпсэурти, лагъымхэр апхуэдэу къытлъэIэсыртэкъым. 6. Ауэ шхын щхьэкIэ дылIэрт. 7. УнагъуиплI дыхъуу зы пхъэ унэжь дыщIэст. 8. Ди сабийхэм гурыфIыгъуэу яIэр Трезоркэ хьэрт. 9. Зы пщэдджыжь гуэрым дыпщэфIын зыри щымыIэжу, Трезоркэ и Iусылъэм хуитлъхьэни димыIэу, нэху дыкъекIащ.10. Хьэр и нэ губзыгъэхэмкIэ куэдрэ къыдэплъащ, итIанэ и щхьэр пщIантIэм дихащ… 11. АрщхьэкIэ Трезоркэ шэджагъуэм къыдэлъэдэжащ, зы тхьэкIумэкIыхь дзэкIэ иIыгъыу. 12. Ар сыт хуэдэ гуфIэгъуэт дэркIэ! 13. Псоми шэджагъуашхэ тхуэхъури, езы къэзыхьари IэфIу дгъэшхащ.
14. Абы щыщIэдзауэ, махуэ щIагъуэ дэмыкIыу, хьэм зы тхьэкIумэкIыхь къытхуихьащ. 15. ИлъэсыщIэ жэщым дэ сабийхэм псей яхуэдблащ, а псейм хьэпшып цIыкIухэм нэмыщI, шоколад нэгъунэ фIэлът: ахэр тхьэкIумэкIыхькIэ къэтхъуэжат.
16. Апхуэдэу Трезор гъаблэм цIыху I6 дыкъригъэлащ…
Текстым ехьэл1а пщыталъэ
Текстым набдзэгубдзаплъэу къеджэ.
Дыгъэ гуащIэм хьэуар апхуэдизкIэ къигъэплъати, хьэмэмым ущIэт къыпфIэщIу, бахъэ хуабэм хуэдэу, къыпIурыуэрт. Лагерым щыIэ цIыкIухэр зыгъэпскIакIуэ гуэлым яшат. Мо гуэл дахэр зылъэгъуа цIыкIухэр «Жыжьэ фыIумыкIыу и Iуфэхэм зыщывгъэпскI» жыпIэкIэ зэхахынт? Дэтхэнэ зыри есыкIэкIэ Iэзагъыу хэлъыр игъэлъэгъуэн мурад иIэу, жыжьэ зэрыIукIыным хэтт.
Зыкъомыр удз гъэгъа кърачыну мэзым хыхьати, ахэр мыгъуащэу къишэжыну гъэсакIуэри IукIат. Абы ирихьэлIэу еплIанэ отрядым щыщ Мадинэ есурэ гуэлым и кум нэсат. Е есурэ еша, е езыр гужьеижа, сытми Мадинэ зэ-тIэу псыр къыжьэдэуэри итхьэлэу хуежьащ. Псом ящIыIужкIи асыхьэтым зы балигъ гуэлым Iустэкъым. Мадинэ и IэхэмкIэ псыр дриутхейурэ щIилъафэу, къыщIэужу щалъагъум, ныджэм тет цIыкIухэм зэрыгъэкIийуэ щIадзащ, ауэ зыхидзэу хъыджэбз цIыкIум дэIэпыкъуну зыми таучэл ищIыртэкъым.Къуэдзокъуэ Хьэсэн. «Блулэ»
Илъэс псом зэджам къытегъэзэжыныгъэ